ഭാഷ, പരിഭാഷ

ഭാഷയെന്നത് സംസ്ക്കാരവിശേഷമാണ്, ജീവിതവിശേഷമാണ്. അതിനെ പൂർണമായി മറ്റൊരു ഭാഷയിലേക്കും വിവർത്തനം ചെയ്യാനാവില്ല.                                                                 വിവർത്തനത്തിൽ കവിത മാത്രമല്ല, ഭാഷാസത്തയും ചോർന്നുപോകുന്നു. എന്നല്ല, ബ്രിട്ടണിലെയും അമേരിക്കയിലെയും ഓസ്ട്രേലിയയിലെയും ഇംഗ്ലീഷുകളും നമ്മുടെ വിവിധ സംസ്ഥാനങ്ങളിലെയും ഹിന്ദിയുമൊക്കെ പരസ്പരം വ്യത്യസ്തമായിരിക്കുന്നത് അതുകൊണ്ടാണ്.                                           അങ്ങനെ പറഞ്ഞുവരുമ്പോൾ മലയാളത്തിന്റെ കാര്യം പോലും പരുങ്ങലിലാവും; ‘ആറ് മലയാളിക്ക് നൂറ് മലയാളം’ എന്ന ചൊല്ല് വെറുതെയല്ല.                                        
സൂക്ഷ്മമാലോചിച്ചാൽ, ഓരോ ആളിനും ഓരോ ഭാഷയെന്ന് പറയേണ്ടിവരും!